Geguritan

Anak Wedok Anak Lanang

Anggitan : Sudi Yatmana

anak wedok
apa kowe bisa nglangi
inggih bapak kula cobi
nglangi ana ngendi
ing bebrayan ing sesami

anak lanang
apa kowe wani perang
inggih ibu kula rancang
perang ana ngendi
ing nepsu dhiri pribadi

anak wedok anak lanang
lelorone dakgadhang
bisa lan wani ngupadi
mrih ungguling jatidhiri

anak-anakku
apa kowe nedya maju
bapak ibu kula tuhu
maju ing bab apa
ajining gesang punika

Diposkan oleh Adnia Pravitasari